وصفات لتفتيح الاماكن الغامقة في الجسم

1-وصفة الزبادي والترمـــــس:




دي وصفة ممكن تعمليها قبل إزالة الشعر لتفتيح الأماكن الغامقة في الجسم زي منطقة الكوع والركبة، وكل اللي عليكِ إنك تحضري الحاجات دي...


المكونـــــــــــات:


(زبادي - ترمس مطحون - عصير برتقال)


طبعا الكميه حسب انتي ماتشوفي انها تكفي بالمنطقه ولا ايه




الطــــــريقـــه:


اخلطي المكونات دي كلها مع بعضها، وافرديها على المناطق الغامقة في جسمك، وسيبيها لمدة 10 دقائق وبعد كده اشطفي جسمك بماء فاتر، وعلى فكرة إزالة الشعر بالسويت بصفة دورية كل 20 يوم من الكوع والركبة حتى لو مافيش شعر فيهم بيساعد على تفتيحهم.






2-وصفــــــة زيت الزيتون:



دي كمان وصفة حلوة أوي لتفتيح منطقة تحت الإبط أو بين الفخدين "منطقة خط البكيني".




المكـــــونات:


( زيت زيتون - زيت لوز - دقيق خشن"دقيق البسيسه" )


الطـــريقــه:


اخلطي كل المكونات دي مع بعضها وافركي بها المناطق دي، وعلشان تشعري بالنتيجة ممكن تعملي الوصفة دي 3 مرات في الأسبوع، وعموماً لو عايزة جسمك كله يبقى لون واحد لازم تاخدي حمام يومياً وتستعملي غسول يومي للجسم، وممكن تستخدمي الليفة المغربية في فرك جسمك مرتين كل أسبوع، بس مش أكثر من كده علشان جسمك ما يلتهبش.




3-وصـــفة العسل والملح الخشن:
لو كنت بتشتكي من وجود بقع في بشرتك نتيجة الحبوب يبقى ممكن إنك تتخلصي من البقع دي بإنك تعملي الوصفة دي..


المكــونـات:
(عسل نحل - ملح خشن - ترمس مطحون - عصير ليمون )


الطــــــريــــــــقه:
اخلطي المكونات دي كلها مع بعضها كويس وبعد كده افركي الخليط ده على جسمك، بس خدي بالك أن الفرك يكون بالراحة علشان بشرتك ما يحصلش لها أي التهاب، سيبي الخليط على جسمك لمدة 7 دقائق، وبعد كده اشطفي جسمك بماء فاتر. كرري الوصفة دي مرتين في الأسبوع وهتشوفي الفرق بنفسك.. كمان ممكن إنك تستخدمي مقشر يومي زي "كلين أند كلير".