الكشري المصري

تجيبى راس توم تقشريها وتقسميها بعد دقها نصفين
نصف هنحمره ونطشه بالخل ويكون كتير شويه علشان هنستخدمه فى الرز ..... ازاى
طبعا هنسلق المكرونه عادى
وهنسلق العدس بجبه برضه عادى بس بميه كثير شويه
نيجى بقى للرز هنحمر الشعريه ولو مفيش شعريه يبقى هنشف الرز ونقلبه كويس وبعدين نطشه بالثوم والخل بس مش كله نصه علشان النص التانى هنحط عليه الطماطم المضروبه فى الخلاط والمتصفيه وبعدين نسقى الرز بميه العدس مع قليل من العدس يعنى قيمه ملعقتين وبعدين نغطيه ونسويه عادى
والنص التانى من راس التوم اللى متحمرش هنعمله دقه ونضيف عليه خل وكمون
وبعد سلق المكرونه هنصفيها وبعدين نضعها فى حله مسخن فيها بعض الزيت ونقلب كويس وعند التقديم
نضع المكرونه وبعدين الأرز وبعدين العدس وبعدين الصلصه وطبعا محمرين شويه بصل وقبل التحمير راشين على البصل شويه دقيق علشان البصله تبقى مقرمشه وبعدين القه اللى هى الخل بالتوم النى والكمون

الف هنا