إدخلى بسرعة وقولى وداعا للكونسيلر والماسكرا وقلم الكحل كمان !!

إدخلى بسرعة وقولى وداعا للكونسيلر والماسكرا وقلم الكحل كمان !!
كلنا طبعا عارفين إن أكتر حاجة جذابة فى وش المرأة عينها واللى بتميزها عن غيرها وهى العلامة المميزة فى الوجه (علامة الجودة) ههههههه وعشان كدة جيبالكم برنامج عناية بجفون العين وكمان الرموش وما تقلقيش دة عن تجربتى أنا يعنى مضمون وإلا ما كنتش كتبته....

لعلاج الهالات السودا
.ادى (روب) & عصير خيار
تبشرى قطعة خيار وتصفيها وتاخدى السايل منها بس وبللى جفون عينيكى بصير الخيار بإستخدام قطنة نظيفة
وكل ما جف بللى تانى وبعدين تدهنى الجفون بال.ادى بس خلى بالك ما يدخلش فى عينك ما تلقيش بس حطيه بالراحة وكمان ممكن تستعملى عصير الخيار للرموش بإستخدام فرشاة ماسكرا قديمة بلليها بعصير الخيار ومرريها على رموشك دة أثناء وضع الماسك يعنى ال.ادى والخيار للجفون والخيار للرموش
إتركيه لحد ما ينشف وبعد كدة تشطفى عينك بماء بارد وهتلاحظى الفرق من أول إستعمال
ونصيحتى ليكى بلاااااااش تستعملى الكونسيلر

لتغذية وتطويل الرموش
أولا ماسك التغذية (أيووووووووة) ما تستغربيش !!
الرموش جزء منك ولازم تهتمى بيه زى البشرة والشعر بالظبط

عسل نحل + زيت زيتون
إخلطيهم ووزعيه على رموشك بإستخدام فرشاة ماسكرا قديمة
وسبيه على رموشك أطول فترة ممكنة


ثانيا لتطويل الرموش
زيت الخروع
كحل نوا التمر

إزاى تعملى الكحل؟؟؟
إحضرى نوى التمر وإغسليه كويس وسبيه لحد ما ينشف وبعد كدة تحرقيه خاااالص
أيوة لحد ما يبقة أسود رمااااااااد وتطحنيه كويس جداااااااا لحد ما يبقى ناااااااعم
كدة هيبقى عندك كحل بودرة

الطريقة:
إغمسى فرشاة الماسكرا فى الزيت ووزعيى الزيت على رموشك
وبإستحدام خلة خشب (سلاكة أسنان بالمصرى)
ضعى الكحل على منابت الرموش وكأنك بتحطى أى لاينر
وكمان ممكن تستعملى الكحل للزينة عادى جدا روووووعة

وقولى ودااااااااعا للكونسيلر والماسكرا وقلم الكحل كمان !!

ضعيه قبل النوم لحد الصبح والنتيجة هااااااايلة
وما تنسوش تدعوووووووولى

*-*-على فكرة يا بنات أنا خطوبتى قريب يلا باركولى وإدعولى ربنا يتمم بخير وعقبالكم-*-*
أنا فى إنتظار ردودكم اللى بتسعدنى وبتحسسنى إنى فعلا بقدم لكم موضوعات مفيدة