ابوك خالك اخوك

أبوك , خالك , إختك , أخوك , ماضيك
همّك , جنونك , ضحكتك , كل ما فيك ؟؟

***********************


تعبت أشيل الهم عنّك وأداريك
وإنت همومي ثقلها ما يهمّك !


لا يا ( يالحبيب) .. بالزمن لا نخليك
لاتقسى على قلبي وتسقيه سمّك !

[ د ن ي ا ك ] هذي , لا تغيّر مباديك
مهما إستطعت الظلم إعدل بحكمك !

ما هي غريبه من يذمّك يماشيك
لكن غريبه يمدحك من يذمّك !!

ما كل واحد غاب معناه ناسيك
بعض البشر ينساك لو كان يمّك !

أدري تعزني .. الله يعز غاليك
وإن كان لي عندك معزّه بضمك !

في خاطري كم كلمة : عن مساعيك
وإن شفت دمعاتي إنزلت .. حط كمّك !

إسمك نصيبي ويا كثرها أساميك
وقلبي يفز .. لا جابوا الناس إسمك !

ليتك تحس في ضيقتي يوم أحاكيك
أحرق لك أعصابي .. وما حس دمّك !

تنثرني بدون إنذار .. ربّي يجازيك
عطني سبب مقنع ياغالي .. وألمكّ !

همّك , جنونك , ضحكتك , كل ما فيك
صوتك , سكوتك , وأرجع أقول : ( ه مّ ك ) !

[ لبيه ] منّك غير .. لمّا أناديك
كن الكلام العذب ... مرساه فمّك !

مهما غلوك قلوب ناس حواليك
أغليك أكثر منّهم بس .. لعلمك !

أبوك , خالك , إختك , أخوك , ماضيك
ربعك جميع الناس, وعيال عمّك !

.

.

شايف غلاهم لك .. أكثر أنا أغليك

واللّي وصل ( نص الغلا ) يمكن أمّك !

م/ن