اصنعي برفان في بيتك ب 6 ج بس

هاتي العدة وتعالي ورايا
اولا لمي كل ازايز البارفانات الفاضية اللي عندك وعند جوزك واخواتك والجيران ههههه



تاني حاجة تشتري لتر كحول ابيض من بتاع العطور



اللتر ب6 جنيه ودة هيعملك 100 ازازة او تجيبي ازازة سبرتو ابيض من الصيدلية بتبقى 250 مللي ومش غالية
ملحوظة
الازازة تداريها في ابعد مكان احسن حد يفتكرها مية وانا مش مسؤلة عن اي واحدة فيكو هتنسطل و تعمل دماغ هههه

اسانسات العطور اللي تحبيها



رجالي وحريمي 10 مل من كل نوع ودي ب5 جنيه
انا جبت زي اللي كانوا في الازايز الاصلية (هوجو, سكلابشر , ليبيدوس , بوس )والحريمي (اورجانزا , بلو ليدي ,كاسيليا....) ودول طبعا من بياعين العطور الجملة اللي بيركبوا البرفانات بتكون في ازايز كبيرة اوي لونها فضي
سرنجة من الصيدلية وزجاجة جلسرين ب3 جنيه



المفروض تجيبي 5مللي زيت صندل ( مثبت ) من بتوع العطور بردو ب1 جنيه باين بس من خيبتي التقيلة نسيت والبديل هوا الجلسرين ودولدورهم تثبيت العطر

الطريقة

الاسانس بيبقى ربع حجم الازازة يعني لو ازازة 100 مللي تجيبي 25 مل اسانس وتكملي الباقي كحول و2سم زيت صندل او جلسرين كمثبت للعطر
الخطوات
انا هشتغل على ازازة 50 مل كدة لازم اسانس 12.5مل طبعا مفيش الحجم دة انا جبت مل 10 كفاية
اسحبي الاسانس بالسرنجة
و
فضيه في الازازة بعد ما تفتحيها



والازازة المتبرشمة جامد وديها لبتوع العطور بيعرفوا يفتحوها من غير ما تبوظ
كمللي الباقي كحول



اسحبي 1 مللي جلسرين (مثبت العطر )
وفضيه في الازازة



اقفلي الازازة ورجيها كويس



حطيها في الفريزر 3 ايام وبعدين تلفيها في كيس اسود وتنسيها اسبوعين في مكان ضلمة (جوة الدولاب مثلا )
ومعاكي الوقتي اجمد بارفان هاي كوبي زي اللي بنشتريه من برة بالظبط



يعني تكلفة الازازة تقريبا 5 جنيه اسانس وقولي 1 جنيه للكحول والمثبت ولو ازازة 100مل يبقى تكلفك 12 جنيه يابلاش