اكله بسيطة بالحمة الشرايح بدل البانية

المقادير
نص كيلو لحمه شرايح
بصلايه كبيره
بصله متوسطه
حبيتين طماطم حبيتين فلفل اخضر
نص كيلو بطاطس
الطريقه
نجيب البصله المتوسطه نبشرها ونحط عليها ملح وفلفل وبهارات وكمون ومعلقه زيت وندعكها ف اللحمه كويس اوى
تسبها ساعه
بعد الساعه نجيب صنيه ونحط فيها اللحمه ونحطها ع النار مع شويه مايه صغيرين ونسبها تغلى شويه لحد اما تبقى نص سوى
خلال ما اللحمه ع النار
نقشر البطاطس ونقطعها حلقات
ونقطع حبتين الطماطم حلقات
والفلفل حلقات
والبصله الكبيره حلقات برده
ونيجى للصنيه الى فيها اللحمه
بعد اما تبقى نص سوى
نطلع منها اللحمه ع جمب
ونرص ف نفس الصنيه بصل وبطاطس وفلفل اخضر والطماطم نرص الى عندنا كله
ونحط فى وسطهم اللحمه بتاعتنا ونحط كوبايتين مايه
ونسيبها تستوى ونهدى عليها النار عشان تتوى براحتها
وبعد ما تستوى والمايه تنشف نحطها تحت الشوايه
تاخد لون من الوش
وتتاكل سخنه بالعيش
والف هنا